Garante o pagamento das indemnizacións das que poida resultar civilmente responsable por danos corporais ou materiais e tamén dos gastos por fianzas civís e gastos xudiciais.

Cóbrense reclamacións derivadas, tanto da propia actividade, con independencia do causante dos danos, como das instalacións empregadas ou dos produtos subministrados.

Garante a asistencia médica e farmacéutica e o cobro dunha indemnización por accidente, en caso de morte ou invalidez.

• Persoas traballadoras, voluntarias, usuarias ou participantes no marco da actividade obxecto do seguro.

Combinado de coberturas (incendio, roubo, responsabilidade civil, avarías de maquinaria, perda de beneficios, cristais, etc.) que pode asegurar continente, obras de mellora e/ou contido.

• Continente: conxunto de construcións principais ou accesorias e as correspondentes instalacións de auga, electricidade, calefacción, cristais…
• Obras de mellora: adecuación do continente á actividade que se desenvolve, ou para o seu mantemento.
• Contido: conxunto de mobles, instalacións, ferramentas, materiais, equipos informáticos.

Cobertura dirixida a persoas desprazadas a causa da súa actividade voluntaria, técnica ou de coordinación.

Na cobertura de asistencia de viaxe, as persoas aseguradas poderanse repatriar en caso de enfermidade, accidente e/ou morte, e disporán dos medios necesarios para un regreso urxente, en caso de necesidade. Ademais, garántese a cobertura dos gastos médicos e, en caso de hospitalización, cobre a estancia dun familiar no hotel.

Os beneficiarios poderanse pór en contacto durante as 24 horas, a través do teléfono de asistencia internacional.

COOP57 é unha cooperativa de servizos financeiros que presta colaboración aos seus asociados.

• Préstamos a curto e longo prazo.
• Créditos ponte para avanzar o importe de subvencións de entidades e organismos.
• Produtos de financiamento de capital circulante.